正當我車報員以為7月快將過去，各家代理嘅賣車大鬥法都會停落嚟之際，點知就即刻收到風，話Toyota代理由今日開始，又有新動作嚟吸引嗰班正準備買車嘅用家喎！
起初我仲以為又係常見嘅減價招數，但原來今趟實際得多，就係買車送首年牌費同全保！只要你買ToyotaCamry2.4行政版（售價為$216,360），就即刻送你首年牌費同全保（以60%NCD計算），聽落淨係牌費都慳番差唔多6千蚊，都仲未計全保嗰筆喎，計計埋埋隨時可以慳番差唔多1萬蚊，係咪比減車價吸引得多呢？
講番部車，雖然無咗電控皮椅、天窗、附音響控制鍵嘅半皮半桃木軚環等豪華設備，但一樣可以令你坐得舒舒服服，而一台2.4公升引擎更可輸出達167匹馬力，性能表現毋庸置疑。不過要提提大家，今次呢個Offer只限20部，賣晒就無㗎啦。
記者：車報員