上周五全球股市下挫，只有中國股市獨善其身，連今年年中批評內地股市有好大泡沫嘅前摩根士丹利首席亞洲經濟專家謝國忠（圖）亦由淡友轉為好友。佢日前首次冇再向內地傳媒話A股有泡沫，只係講股票被高估，唔通轉死性。
非也，佢可能純粹因為今年預告上半年盈利增長的A股公司大增，所以改變睇法。佢解釋，企業業績係支撐股票價格上嘅最重要原因。其次，中國經濟增長冇放緩迹象，同大股東為上市公司注入優質業務亦是重要因素。
華華睇番佢今年中對A股嘅評語，「中國資金過剩，經濟過熱。……每個人都在炒股，大家根本不關心股票價值，投資者只看股票的漲幅，並預期能繼續大漲。所以我認為中國股市已經形成很大的泡沫。」若果A股繼續升，未來公司盈利又放緩，睇怕佢隨時會變番淡友。