薛家燕和秦漢因拍電視劇《龍鳳呈祥》傳出緋聞，昨日家燕姐表示要將她主唱、由鄧健泓作曲填詞的歌曲《厚愛》送給秦漢，頗為骨痹。劇中飾演秦漢兒子的鄧健泓昨在電話中笑說：「呢首歌最初係劇集插曲，後尾因為版權問題做唔到，呢首歌係講愛，我記得嗰日係喺架車上面作歌，家燕姐同秦漢都喺度。」
「佢哋戲方面係幾夾」
原來作曲當日，《龍》劇攝製隊由北京坐車往另一地方取景，鄧健泓便趁空彈結他創作此曲，他說：「當時秦漢坐喺車上第一排，家燕姐同佢菲傭坐第二排，我坐最後嘅，家燕姐話送呢首歌畀秦漢，係話戲中佢係大男人，好照顧佢哋，係好爸爸啫。」
問鄧健泓是否相信秦漢和家燕姐拍拖？他笑說：「唔方便講喎，佢哋都OK匹配嘅，秦漢咁型棍，家燕姐又靚女，佢哋喺戲方面係幾夾，多嘢傾係分享演藝生涯咋，有依泣都係感情線啫，平時唔見喎。舊年嘅聖誕節，家燕姐啲仔上咗嚟，秦漢個女都喺度，大家都有一齊慶祝。」
採訪：葉雪