《溏心風暴》中的細契關菊英及大契李司棋，昨日與伍衞國在九龍灣為「關菊英溏心演唱會」進行綵排，關菊英明顯消瘦不少，她說：「係瘦咗，都辛苦㗎，而且啱啱喺美國登台返嚟。」被問到演唱會歌衫會否十分性感時，她說：「少少喇！都會露吓腰同背，見得人嘅先可以露，又冇太刻意嘅。」
合唱《啼笑姻緣》
而擔任表演嘉賓的李司棋則表示當晚將與關菊英合唱《啼笑姻緣》，她說：「雖然呢首歌唱過好多次，但都唔可以掉以輕心，費事到時上到台出醜喇，不過就冇乜嘢壓力嘅，而且《溏心風暴》成班人都會嚟，所以都好開心。」對於當晚會否創作金句寸細契時，李司棋說：「金句都可能會諗吓。」
採訪、攝影：王崇穎