小時候師長教導我們待人接物要有禮貌，見面就打招呼，隨口問人一句「食咗飯未」，也屬合情合理的禮儀，有網友近日卻表示自己因為太有禮貌慘被公司警告，事主無奈地說：「我成日都問人食咗飯未，點知高層指我『冇大冇細』，挑釁上司。」
部份網友不但不同情他的遭遇，反而忍不住取笑。網友「司空星兒」教訓他，指做人應該少說廢話，「你應該知咩時候、咩場合講咩說話。」
被指衰多口
「HW_Wong」亦用比喻點醒他：「問人嘢都好正常，但同時都要睇吓自己用甚麼態度，同對方是否接受，唔通你同個和尚講，你個髮型剪得唔錯，咁又係唔係好有禮貌呢？」
網友「蛋蛋微波爐」說：「你呢啲唔係叫禮貌周到，係多口，同埋社交能力低。」
青兒認為雖然禮多人不怪，不過平日在公司應該多注意上司「眉頭眼額」，「如果上司唔鍾意下屬咁多說話，講少句為妙。」MaggieA也說：「我最怕同事懶熟咁，成日口多多講無聊嘢。」