24歲的關楚耀（Kelvin）與入廚超過24年的香港專業廚藝學院院長蔡潔儀（Kitty），本來大纜都扯唔埋，但一個有心學，一個愛分享，二人一拍即合蒸金鼓魚，Kelvin問條魚蒸到點先叫熟呀？校長話：「搵隻筷子篤得穿魚身就得囉！」Kelvin即時快手亂篤，「熟嘞！條魚已經死於亂槍之下！」全場激死！一向嚴肅的Kitty都笑到震，廚房滿是笑聲與魚香！
記者：廖秀娟
攝影：陳陶鈞
校長：「不斷學習才進步。」
Kitty教授烹飪18年，由最尋常的單親媽媽，不斷進修及學廚，現已成為廚藝學校的校長，學廚、教廚一絲不苟，有時自己都略嫌自己「惡」，但就是嚴謹、認真，才可以「改變命運」。現在連學生都成為大廚、餐廳老闆、飲食節目主持，她仍然不時四圍飛到處學廚，「以為自己識晒，唔去學就唔會做到好菜。」
Kelvin煮餸天份高
自言很想學煮兩味的關楚耀，見過吃過Kitty的手藝都讚不絕口，而且看出當中蹺妙，「校長的餸表面睇好簡單，不過佢用咗好多自製的醬料、調味，其他人好難學到！」不過Kelvin似乎對煮菜真有點天份，蔡校長話頭他醒尾，叫他蒸魚蒸8分鐘，Kelvin竟然會自動問：「魚面鋪咗蝦亁，使唔使蒸10分鐘呀？」連校長都覺得他有天份。
蝦亁欖豉醬蒸金鼓魚
0hr40min
份量：4人
材料
蝦亁1両、金鼓魚1條（約8両）、葱絲/滾油適量
欖豉醬材料：蒜茸豆豉醬2湯匙、欖角2粒、陳皮碎1茶匙
做法
1.蝦亁浸透瀝亁。欖豉醬所有材料拌勻備用。
2.金鼓魚起鱗、劏淨，塗上欖豉醬，將蝦亁放上魚面。
3.置蒸鍋中，以大火蒸10分鐘取出。
4.撒上葱絲，淋下適量滾油即成。
貼士
金鼓魚細細條好嫩滑，但用來宴客或者稍嫌不夠體面，可用烏頭代替。
鮮荷葉仁稔酸子薑蒸雞
0hr45min
份量：4人
材料
嘉美雞1/2隻、酸子薑2両、仁稔3粒、鮮荷葉2大塊
醃料：蠔油1湯匙、醬油1茶匙、鹽1/2茶匙、糖1茶匙、麻油/胡椒粉各少許、生粉1湯匙
做法
1.嘉美雞斬件後置盤中，加酸子薑、仁稔，用醃料拌勻醃15分鐘。
2.鮮荷葉汆水過冷河抹亁置蒸籠，將已醃的雞鋪平，以大火蒸15分鐘即成。
茶樹菇煲雞
2hr15min
份量：4人
材料
嘉美雞1/2隻、亁茶樹菇50克、鹽適量
做法
1.亁茶樹菇浸透瀝亁。
2.嘉美雞汆水過冷河置煲中，注入適量清水，加入茶樹菇。
3.待水滾後以中慢火煲2小時，加鹽調味便可。
貼士
茶樹菇能抗衰老、降膽固醇，對胃寒、腎虛人士有幫助。
馬拉盞炒雙菇
0hr20min
份量：4人
材料
金頂側耳菇150克、本菇150克、蒜茸1茶匙、馬拉盞2茶匙
調味料：蠔油1茶匙、鹽1/4茶匙、糖1/2茶匙、麻油/胡椒粉各少許、生粉1茶匙、水4湯匙
做法
雙菇洗淨汆水瀝亁。爆香蒜茸及馬拉盞，加入雙菇以大火炒透，下調味拌勻即成。
貼士
任何菇類都要汆水，否則有泥味。
百厭Kelvin廚房實錄
在加拿大多倫多跟婆婆生活了兩年，都經過自己炒飯、蒸肉餅、蒸魚的日子，雖然Kelvin是大男孩一個，經常蝦碌，洗爛菇、亂起鱗，但對煮兩味真的有點天份與興趣，見校長三扒兩撥做好幾款美味菜式，一邊認真「偷師」，做幫廚快手快腳、非常醒目，好得校長歡心。
學員每事問
Ｑ：點解有時用咗荷葉都唔覺有荷葉味嘅？
Ａ：校長話一定要汆水，塊葉先會出味㗎！
Ｑ：有冇發覺茶樹菇湯一啲油都冇呀？
Ａ：因為用咗嘉美雞，完全唔使隔油！
鳴謝：
香港專業廚藝學院（23360650）
康和健康農產品郭銘祥（24791900）
買定料：李純恩 明日同你煮
大婆牛肉麵
金錢𦟌3條、牛筋2斤、牛肉1斤、花椒1湯匙、豆瓣醬4湯匙、冰糖2湯匙、黃醬或柱侯醬2湯匙、上海麵1斤
點解用金錢𦟌？因為夠煙韌！一般人做紅燒牛肉都用牛腩，但若想牛肉經過長時間紅燒後，仍食落啖啖肉又有膠質，便不妨選用肉和筋平均分佈的金錢𦟌。
紅燒圓蹄
圓蹄1隻、冰糖2湯匙、薑3片、葱2條
冬菇燜笋亁
扁尖竹笋亁2両、冬菇3隻（已浸）、蝦米2湯匙、大紅辣椒2隻
雞頭米糖水
鮮芡實（街市菜檔有售）、片糖1塊