沉寂一排嘅Coco又再曝光，接受廣州《新快報》訪問，Coco指發生朱培慶事件是佢最倒楣嘅事，朱培慶申請退休，芳齡20幾嘅佢則「被迫提前退休」，因為冇客人搵佢，令佢做全港最紅媽媽生「理想破滅」，傳媒去佢鄉下刮佢，傷害埋佢家人。
佢聲言有間網絡公司想做佢經理人，搵佢拍戲、做model，甚至捧佢做「美麗版芙蓉姐姐」。「芙蓉姐姐」係國內網上人氣歌手，相信大部份香港人唔識佢，見過佢嘅網友形容佢係「女版WilliamHung」。Coco話自己出身赤貧，豬肉都食唔起，曾開時裝店同去澳洲留學，舊男友係汶萊華僑，第日老公最好有錢到可以養佢過世。