要交心、談得來，我們直覺要找個年齡相若的人，如果全公司的同事年齡都比你大得多，會談得來嗎？網友「rainflower」最近於香港討論區表示公司所有人都是「阿叔、阿姐」，與他們完全溝通不到，「我見佢哋成日都係講股票，或者講吓佢哋啲仔女，再唔係講同事是非，我完全搭唔到嗲。」她說自己與同事基本上「無乜兩句」，相信有些同事甚至不知道她的名字。
網友「Ah_Wong」認為同事一場，應主動交談，鼓勵她多說話，「有時聽吓啲長輩講吓佢哋啲經驗同經歷都好有意思啊。」「Sandydog666」則表示，年齡差距大亦可建立友情，「其實啲阿叔、阿姐都幾易相處㗎！」網友「幪面超人」亦說：「做人要學懂適應環境，應該練到乜話題都講得兩嘴，分享生活經驗一樣得。」