孫燕姿前晚與鬚根班仔撐枱腳前，先到尖沙嘴出席miumiu新店開幕禮，同場還有樂基兒、琦琦、熊黛林、AnaR.、吳君如、關淑怡及周迅等，當中以「黎明嫂」樂基兒最受歡迎。
「唔使物質嘢」
黎明一向多師奶fans，樂基兒前晚在店外接受訪問時，已不停有fans高舉她的行騷照片，之後她離開時，又有四眼師奶上前送禮物給她。
樂基兒表示其一身裝扮乃自行搭配，問到她平日可會花錢買名牌袋及衫時，她說：「我有儲少少袋，未試過買好貴，例如超過10萬嗰啲。若果好鍾意，一、兩萬都OK。」喜歡男友送甚麼給自己呢？她說：「唔使買啲物質嘅嘢，akissisgood！」此外，問久未露面的吳君如會否有興趣購買限量袋？她笑說：「有『性』趣嘅！」她謂產女後已減至110磅，現時專注減肥，再生仔或復出拍戲均隨緣，有人打趣問她可是等男友陳可辛儲精再生？她笑說：「吓！呢啲可遇不可求喎。」
