蔡志明千金蔡加敏及羅霖等前晚出席Armani活動，蔡加敏前晚大方承認與東華前總理馬鴻銘拍拖四個月，她大讚男友人品好夠細心。蔡家上下均是虔誠基督教徒，其母一直想她交個教徒男友，蔡加敏坦言「想不一定有」，不會強迫男友信教。
蔡志明千金蔡加敏、羅霖及名模姚書軼等前晚到中環出席Armani黑曜石礦物再生乳霜（CremaNera）派對，早前有報道指現年28歲的蔡加敏與40歲的東華前總理馬鴻銘共墮愛河，馬鴻銘更問准蔡志明才拍拖。
狂讚幽默細心
前晚穿上Prada裙的蔡加敏甜笑直認戀情，她說：「係呀，我哋拍咗拖四個月。」她大讚男友人品好、細心、有事業心，她說：「加上大家都係東華人。」記者指兩人年齡相距12年，差距不算少，蔡加敏即說：「年紀唔係一個問題，總之個樣唔似就得。」
談到馬鴻銘先問准蔡志明才展開追求，十分尊重蔡加敏，她對此即甜笑說：「係呀，佢好識尊重人，不過我哋大家工作都好忙，𠵱家都係拍咗好短時間啫。」問到蔡家上下都是基督徒，會否薰陶非教徒的男友信教？她說：「未住，媽咪係講過好想我哋另一半都係教徒，但係想唔一定就有㗎嘛。」她又再讚男友說：「爹哋都讚佢年輕有為，我同佢又有共同嗜好，例如打波同鍾意小動物，大家仲好有幽默感，不時講嘢好爆笑。」
羅霖兒子高燒
此外，一身Armani服裝亮相的羅霖表示做了三重防走光措施，包括戴nudebra、穿tubetop及黐膠紙，她透露已三天沒睡，因為二子Jordan近期因天氣熱輕微中暑，近五日高燒至103度，羅霖憂心兒子患腦膜炎，不眠不休每半小時替他量體溫及抹身，幸好最後沒事，當晚她出席活動後即趕往醫院接子出院。
採訪：DebbieLum
攝影：DickyChan
