陳慧嫻早前稱與拍拖五年的男友分手，她昨日在港台接受訪問時稱仍深愛男友，頸上還繫着兩隻戒指，是去年11月男友向她求婚的戒指。
流露不捨之情的陳慧嫻說：「我個人感情唔可以獨立，好依賴一個人喺背後錫我，我需要接收大量嘅愛，𠵱家我要戰勝寂寞，男朋友雖然係一個太陽，我係一個行星，但我要習慣唔可以圍住太陽走。分手後我日日喊，佢係我情人又係朋友，曾經打畀佢話想見佢，但佢比我冷靜，佢即時拒絕我。」
「𠵱家瘦咗先啱」
陳慧嫻續稱去年男友求婚後，她的戒指兩度修改也不合適，她說：「唔知係咪整定，當時唔啱戴，改咗之後都唔啱，𠵱家瘦咗就啱喇！當時我無特別應承，𠵱家掛住喺頸，去到邊都覺得有人支持我。」
今日42歲生辰的陳慧嫻表示，身邊未有追求者，問可後悔沒有應承婚事，她不斷摸着兩隻戒指說：「冇，大家係協議分開，當然我仲愛佢，分開咗實會唔捨得，但大家要清楚考慮吓，係咪要再走埋一齊。」
採訪、攝影：王連連