Krusty的張詠恩（Jan）和活己嵐入行兩年，一直只專注唱歌，原來二人現時最希望可以一嚐拍電影的滋味，更希望分頭出擊愛情片與驚嚇片，因為她們都覺得一隊組合要間中分開工作，才可保持一份新鮮感。
二人女子組合Krusty一直只是唱歌及拍廣告，從未參與電影演出，不過原來成員張詠恩在一年多前，有機會參與一套鬼片的演出，她試鏡後已經與電影公司洽談拍攝細節到七七八八的地步，可惜最後演出的機會，落到當年一位女新人王手上。
想學吳君如
對於中空寶一事，阿Jan揚言當時十分失望，她說：「咁最後決定權都喺人哋手上，可能當時時機未到啦，我真係好想試拍電影。」在眾多類型的電影之中阿Jan最想拍帶驚慄成份的笑片，正如當年吳君如主演的霸王花系列，她說：「我覺得君如做嘅《霸王花》系列真係好成功，細個時一邊睇一邊笑，我絕對唔怕做一啲醜化自己嘅角色。」
盼做第三者
阿嵐則最愛愛情小品題材的電影，因為她的戀愛經驗頗為豐富，她說：「我成日睇戲見到搶人男友嘅角色時，我都肉緊到想打呢啲人，所以我都好想試吓做呢啲角色。」加上阿嵐自認是一個天生戀愛狂，她每次拍拖都會萬分投入，故此她覺得勝任演出愛情片。
採訪：李珮洳
攝影：陳偉權
髮型：Jacky@ILColpo（IFC）
Accessories：ShinesFair
服裝提供：Quiksilver
