坐地起價、貨不對辦呢啲整花個朵嘅行徑，估唔到連搵埋唔少嘅化妝師「阿腥」都會做。阿蘇最近八到，阿腥早前接咗個幫台灣天后做嘅job，包化妝同造型，佢初初開價10萬，臨開工就話要加5萬係買衫費，台灣嗰邊都好疏爽照畀，點知開工時發現佢加碼5萬買嘅全部係雜嘜貨，對絲襪都好似係着過嘅㖭，而且五個look毫無分別，清一色係黑色。台灣嗰邊好唔滿意㗎喇，叫阿腥畀番買衫嘅單嚟睇吓，但佢就好似應份咁，話啲單搵唔番，一次過好似開支票咁開張5萬蚊嘅單，件事轉轉折折就唱番出嚟，真係唔明，點解為條唔大嘅數劃花自己個朵呢？
撰文：阿蘇
本欄逢周一至六刊出