二人組合Twins前日聯同多位師弟師妹往澳門，拍攝二人最新歌曲《突擊愛情》的MV，新碟將於9月推出。蔡卓妍（阿Sa）表示：「今日好早就嚟咗澳門，覺得好似做咗澳門旅遊大使，去咗聖母教堂、西洋墓園及文化局。」
阿Sa獨力撐出碟
問她們可喜歡到澳門遊玩？阿Sa說：「其實我經常嚟，因為公公婆婆都住喺呢度，我上晝先去咗搵公公，仲飲咗碗湯，但留咗10分鐘就走喇。」
至於可會去賭場碰運氣？Twins稱一向不會賭錢，阿Sa說：「不過有次嚟，老闆畀籌碼我哋去玩，贏咗千幾蚊就冇玩，但我知道有一個外國人玩老虎機贏咗成億。」鍾欣桐（阿嬌）說：「我一向冇賭運，所以都係唔賭比較好。」阿嬌透露將出發到日本拍攝電影《出水芙蓉》，所以新碟嘅宣傳工作會由阿Sa主力做。」阿Sa聞言笑說:「我會獨力撐住。」
撰文：丁寧