一樣米養百樣人，fans都有貧富之分。劉德華和鍾欣桐（阿嬌）分別遇過難纏fans，為追星搞到山窮水盡，但關心妍卻遇上星洲老細級男歌迷，日前她到星、馬宣傳，這位富貴男fans竟包車跨國追星，更送上價值逾20,000元的LV及Gucci名牌袋，令她驚嘆對方出手超豪。
關心妍日前到星、馬兩地出席《殘酷一叮》選拔賽以及當地電子傳媒活動，同行尚有節目主持梁榮忠和台灣人氣偶像賀軍翔，其間關心妍遇上一名年約30歲的星洲男fans，對方出手闊綽，表現富貴，令她留下深刻印象。
護送到機場
該男fans為了追星，專程包車3日，由星洲跟到大馬之餘，還送偶像一個價值4,000多元的Gucci斜孭袋和一個約16,000元的LV手挽袋，關心妍接受訪問時說：「個fans話個LV袋喺新加坡得4個，又話會包我1,000張新碟同買我寫嘅1,000本新書，都幾開心嘅，冇諗過會遇到個咁嘅fans。」
在大馬逗留最後一天，關心妍離開下榻酒店時又遇到該fans，原來他早於清晨5時已在大堂等候，準備護送她到機場，關心妍說：「我有問佢你唔使返工咩？佢話佢係老闆，自己做生意喎。」不知男fans是否有追求之意？她笑說：「忠仔都有問佢係咪追我，唔會啩？我冇諗過呢啲嘢，但佢好nice。」
至於男fans有否示愛？關心妍笑說：「未，冇呢啲，我覺得佢出手好豪，未試過有歌迷送兩個袋畀我，加埋成萬幾二萬蚊。」她又稱從未想過與fans發展感情。
狂讚賀軍翔
此行關心妍曾與忠仔品嚐當地美食，更首次與賀軍翔碰面，她大讚這位靚仔說：「佢好靚仔，又高大，覺得佢好型，但比較靜，唔係好敢望佢，驚俾佢眼神電暈咗。」
採訪：葉雪
