鄧穎芝將於8月底推出新大碟，稍後唱片公司會安排她到充滿陽光的小島海灘拍攝唱片封套，自言不介意穿性感比堅尼拍攝的她，目前已密鑼緊鼓進行收身大計，日前更獲贊助美容護膚療程。
鄧穎芝說：「我想再曬黑少少，曬完之後都會浸Spa，希望黑得嚟又有光澤，其實本身仲好鍾意按摩，啲朋友都封我為新一代骨精。」
音樂劇唱舊歌
本月底鄧穎芝會聯同楊千嬅及EO2等人演出音樂劇，她說：「今次音樂劇會唱梅艷芳同陳潔靈嘅經典歌曲。」原來鄧穎芝的母親是80年代的酒廊歌手，曾與梅艷芳等巨星同場演出，她說：「媽咪生咗我之後都冇再唱歌，為咗呢個騷我都有請教媽咪，媽咪仲有留低一啲80年代嘅歌衫，可能會問佢借嚟着。」
採訪、攝影：卓美娟
場地：SpaCollection