由細到大都好鍾意睇中國女排，個個打波都好狠好勁，如果小妹有佢哋十分之一嘅才華，相信都已經可以代表香港出賽，唔使𠵱家淨係得個「睇」字﹗嚟緊8月10日至12日喺紅磡體育館舉行世界女排大獎賽，我當然要睇啦。
孫玥現身商場打波
嗰日經過荷里活廣場，估唔到佢都趁排球熱將個明星廣場變成排球場，喺今個周六同周日搞個「全港迷你排球挑戰賽」，曾經被我視為偶像嘅中國女排名將孫玥仲會喺周日再落場打波，都好有睇頭。
一年一度嘅2007世界女排大獎賽，我年年都有撲飛，噚日同荷里活廣場嘅公關Vicky講開，佢話送出10張2007世界女排大獎賽首日入場券畀消費blog粉絲，戲碼都好勁，頭場就係意大利對波蘭，另一場就係中國對多明尼加，有興趣可填上姓名、聯絡電話及「蘋果消費blog讀者索取禮物」字樣，email去[email protected]。每人可獲兩張入場券，先到先得。查詢電話：21188811。
逢周一至周四刊出