被人屈偷嘢，你會唔會投訴？網民「小沙」在BeautyExchange討論區哭訴，日前到銅鑼灣崇光百貨對面一間大型連鎖店掃貨買護膚品，由於儲分可獲取優惠，同意讓售貨員收起她的單據，並支持環保沒有要膠袋，當她滿懷高興地一邊落樓，一邊將戰利品放入環保袋離開該商店之際，突然被兩名保安員截住，兩人非常無禮貌地指摘她：「哼！我睇住佢偷嘢！」
由於她真金白銀購物，擾攘一輪後終還她清白，但她不甘被屈，忍不住當場哭起來。她本來想投訴那兩個保安員，但突然想到他們可能要養妻活兒，被人投訴可能飯碗不保，結果不了了之。
網友「冬甩」說：「我實投訴佢哋，如果佢哋日後都係咁，變相更多人會有機會俾佢哋屈，蒙上不白之寃。」