早排日本新潟縣對開外海發生黎克特制6.8級地震，好明顯嚇怕咗意甲球隊卡坦尼亞，遂取消原定出訪日本嘅行程。老實講，卡坦尼亞隊波星味麻麻，上季幾乎降班，今次甩底，怕且以後都幾難再搵日本球隊約你哋踢友賽。日本前鋒森本貴幸一心諗住以意甲球員身份衣錦還鄉，家陣日本之行告吹，佢肯定最失望。