華華噚日喺《多維網》（以美國為基地的中國消息網）見到一條好震撼嘅新聞，條題話中國民航總局局長楊元元被調查，事件與首都機場集團董事長李培英，今年6月被雙規（在規定時間及地點交代問題）有關。
但係，成篇文主要講李培英同一間叫中國華聞投資嘅瓜葛，華聞前負責人王政去年底因上海社保案被刑事拘留後，首都機場集團斥資11億元人民幣買入華聞傳媒，並將首都機場廣告公司注入華聞，但李培英旋即喺今年初除去集團總經理職務，6月時亦被雙規。
未知做乜角色
睇嚟睇去，都冇講到楊元元喺成件事擔當乜嘢角色，只係話，楊元元喺李培英雙規後唔夠兩個星期，就陪建設部部長汪光燾視察首都機場3號航樓擴建工程，仲保證第3條跑道10月啓用，3號航樓明年2月開張，為奧運做好準備。究竟點㗎？