林熙蕾嘅緋聞此起彼落，最近有傳佢戀上朱孝天，孝天噚日喺台北出席偶像劇《在這裏等你》開鏡記者會時話：「如果記者不再窮追猛打，我和她（林熙蕾）會有結果。」另一邊林熙蕾喺台中出席一間精品店開幕酒會嘅時候回應：「朱孝天人不錯，是蠻談得來的朋友。」似乎雙方都好有意思將呢段疑幻似真嘅緋聞開花結果。
「很想生小孩」
林熙蕾又話好想結咗婚先至生仔，佢話：「自己很想生小孩，所以等到身體調理好，計劃生小孩的時候就會結婚。」𠵱家有睇中醫調理身體嘅林熙蕾話好想生三個，最好係兩女一男㖭！
林熙蕾講到結婚生仔呢個話題仲有所暗示，佢話：「希望我老公像家人和好朋友，甚麼都可以share，談戀愛愛得要命，最後都會淡下來，所以維持關係很重要。朱孝天個性隨興，自己也是，所以兩人很合得來。」一句合得來，已經盡在不言中啦！
