公司大股東增持，好多時會畀人一個訊息係，大股東睇好自己間公司。不過，處理得唔好，好易搞出個「大頭佛」。好似內地深圳萬科A股咁，董事長王石夫人王江穗，今個月6號買入4.69萬股萬科，隨後萬科就公佈同凱德商用開展戰略協議。湊巧內地股市炒得沸騰，自然俾人講到好似內幕交易咁。
股票賣出 錢歸公司
萬科於是拿拿臨解釋，受託替王石妻子王江穗理財既仁兄，因為操作失誤，以佢名義買入4.69萬股萬科。到20號，王石（圖）喺個Blog道歉；而王江穗承諾喺23日賣出股票，並將所得全部收益交畀公司。華華突然諗起，前財爺阿松買「零智」事件俾傳媒揭發後，話將買車差額捐畀慈善機構，但最終都於事無補。
華華唔知王石夫婦呢一招使唔使得，但肯定內地媒體未肯收手，事關佢哋仲不停寫萬科究竟有冇內幕交易，要求深交所、中證監徹查事件㖭。