沙地阿拉伯前日以2:1砌低烏茲別克，過程幾驚險，但晉身亞洲盃4強始終值得高興。開心完問題就出現，據報佢哋準備由印尼轉赴越南參賽嘅行程有阻滯；聽講到噚日至搵到機票出發，至少蝕咗個星期一朝頭早練波。呢個消息簡直係佢哋禮拜三準決賽對手日本嘅喜訊，而對賭波嘅球迷嚟講，唔多唔少都算係個啓示。