我哋體育版噚日提到皇家馬德里「壞孩子」卡斯辛奴，喺會方冇預佢嘅情況下仍跟操，扮勤力；結果會方最新公佈去奧地利集訓嘅名單，依然冇佢份，勤力得個桔。又係嘅，卡斯辛奴平時得罪人多稱呼人少，個底花晒，臨急抱佛腳都冇用。好彩，據聞好幾間意甲球會仲對佢有興趣，斷估佢都唔會衰到冇班落。