據不成文慣例，港姐三甲不入者工作機會更多，李詩韻便是一例。入行後劇集一部接一部，當中以《天機算》中的慘情心怡及《學警出更》裏的阿鳳最為人熟識，新劇《少年四大名捕》更夥拍4大新紮小生：林峯、陳鍵鋒、吳卓羲及馬國明上陣。詩韻謙稱：「我覺得係自己好運，有幾個監製經常用我，可能覺得我合眼緣啩，不過我每次拍劇都好努力去做，監製都睇得到。」
害怕拍友
從處女劇《老婆大人》遭外間狠批演技生硬，到成功博得觀眾同情的心怡和乞人憎的阿鳳，詩韻確是進步不少，她說：「行出街都有好多人叫我：『阿鳳，影張相啦！』又話阿鳳個角色好衰，就連親戚都話好唔鍾意我演個咁嘅角色！」
娛圈向來殘酷，新人勝舊人，新一屆港姐又告誕生，難怪選美出身的楊思琦、葉翠翠及陳法拉等均轉型行性感，還穿三點式行天橋任攝影發燒友狂影。問詩韻可有意效法？她連聲說：「我唔會，我唔係嗰啲人，着泳衣好唔舒服，我身材樣貌又唔係最好，着泳衣要瞻前顧後好大壓力，而且每個人都望住你，感覺就好似俾人強姦咁，好驚！」就連無綫經理人游說她行泳衣騷，詩韻也耍手擰頭拒絕。
採訪：吳佩思
攝影：林德雄
髮型：Jay@hair
人物誌：才藝港姐密密拍劇
李詩韻（Selena）
年齡：26
三圍：33B、22.5、33.5
李詩韻出生富裕家庭，6歲時舉家移民加拿大。畢業於多倫多大學會計系的她，03年回港參選港姐，奪得最上鏡小姐及才藝小姐兩獎。其後加入無綫，先後拍攝《佛山贊師父》、《本草藥王》及《學警出更》等劇集，開始為人熟識。李詩韻日前以低V裙出席護膚品宣傳活動（圖），令人眼前一亮。
本欄逢周一至六刊出
