香港小姐前晚在一片喝倒采聲中誕生，今屆港姐不但質素平庸，就連冠軍張嘉兒也被觀眾及網民狂轟太過醜樣；身為港姐司儀的曾志偉，前晚也不諱言冠軍爆冷，揚言自己每年選美也會貼三甲人選，獨是今年沒有，暗示今年質素差到連他也提不起興趣。
前晚港姐競選結束後，於尖沙嘴香格里拉酒店舉行慶功宴，出爐冠軍張嘉兒、三料亞軍王君馨、季軍周美欣、大會司儀曾志偉及一班落選港姐全都有份出席。問到志偉對於出爐冠軍的意見時，他說：「今年係比較特別，以往我都會貼三甲，但今年冇人貼過，3號（張嘉兒）都幾冷門，自己比較鍾意6號王卉霖。」
何傲兒輸喺泳衣
問志偉張嘉兒優勝在那些地方時，他說：「可能早幾日見評判，留低好印象，呢part（指日前見評判）幾重要，今年質素都好接近，我以為6號王卉霖得，點知爆咗3號。」至於風頭躉何傲兒未能躋身最後八強，志偉說：「佢應該輸喺泳衣，佢仲有babyfat，見評判嘅經驗唔夠，溝通起上嚟冇其他佳麗好。」
出爐港姐三甲張嘉兒、王君馨及周美欣昨日在尖沙嘴香格里拉酒店會見傳媒暢談得獎感受。張嘉兒連同早前奪得的「活力動感大使」成為雙料冠軍，以爆冷姿勢奪冠的她被問到遭網友大彈醜樣時，她說：「攞獎都好驚喜，我覺得自己勝在平均，會做好自己本份，參加呢個比賽預咗公眾會有唔同要求，一定會有支持同唔支持自己嘅人，冠軍係評判揀出嚟嘅，或者我喺評判心目中係冠軍。」
兼獲「最上鏡小姐」和「國際親善小姐」的亞軍王君馨，早前曾獲全美華埠小姐亞軍，當被問到可覺得自己是二奶命時，她說：「評判畀到我入三甲已經好開心，連攞三個獎自己都嚇一跳。」季軍及魅力美腿大使周美欣被問到年前參加新秀後未能晉身娛樂圈，今次可期望藉港姐名銜成為歌手？她說：「好多方面嘅工作都想試，最緊要睇吓大會覺得我適合做乜。」
張嘉兒暫居屋邨
此外，三甲得主昨日凌晨為無綫刊物拍照後返家，張嘉兒暫住將軍澳翠林邨欣林樓親友家，當她抵達寓所時，有十多名少男少女雖然不知張嘉兒是誰也撩她索簽名，但張嘉兒未有理會。
採訪：卓美娟、卓寶花、王崇穎
攝影：陳偉權、仇志德、娛樂突發組
一網講盡：「似麵包女超人」
前晚應屆港姐誕生後，網友即時在各大討論區留言，大部份均對賽果極之不滿，有人直指黃宇詩比「圓面黃宇詩」張嘉兒更漂亮。
天幕下的戀人：3號樣又唔得，把口又唔得，真係對今屆香港小姐好失望。
nooj：選麵包女超人一定有佢份！
bluecherries：雖則兩個個樣都好似，但係黃宇詩有氣質啲。
mysaid：香港小姐評判可能care港姐學歷，張嘉兒大學程度，外國返嚟，夠淡定，塊面係pizza啲，但五官ok嘅。
CHI：隻眼迫埋，塊面又大，點代表香港？
資料來源：香港討論區、uwants討論區
