本地最受歡迎愛情小說作家之一張小嫻擁躉眾多，一有新書上市便有人搶購，可能由於小說情節太過吸引動人，有網友竟聲稱其朋友沉迷書中世界不能自拔，懷疑患上妄想症及抑鬱症，經常疑心男友另結新歡，十分離奇。
網民「小背心」表示，她的朋友個性天真樂觀，與男友關係一向正常，兩年前迷上張小嫻的小說後性情逐漸改變，「開始不相信她的男友，成日懷疑我哋成班女仔朋友同佢男朋友有路，上次更拎住一把刀指向男友。𠵱家點算好？同佢睇小說有關嗎？看得多張小嫻小說，是否會易有妄想症、抑鬱症？」
不看小說也會有精神病
網民「小U」稱看過部份張小嫻的小說，認為情節太理想化，「喺現實生活，近乎冇可能遇到囉，如果真係要追求小說入面嘅愛情，基本上成世都唔使拍拖㗎嘞。」另一網民「poyii」指有精神病與看小說無關，「好多唔睇小說嘅人都有精神病，都會有妄想症，唔可以賴本小說或者個作家。」
「未必關小說內容事嘅，佢男友做過啲咩都唔知，可能真係一腳踏兩船，所以好難講。」「DDU」也說，很多電視、電影也有愛情情節，故不能一概而論認為有病與小說有關，「可能佢同屋企人關係唔好，或者以前感情受過傷害呢！」「modena」建議「小背心」推薦朋友看其他小說，「叫佢轉睇倪匡，可能佢有機會遇到外星人，醫番好佢個病。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]