車報員放假嗰陣，好鍾意同屋企人或者朋友去長洲、南丫島呢啲無車嘅離島行吓玩吓，但上個禮拜同個Friend去長洲游水嗰陣，佢突然問我長洲啲路咁窄，嗰啲大大部嘅消防車同救護車點喺島上面行呀？哈，你諗得到，唔通消防處諗唔到咩，佢哋喺90年開始就同機電工程署合作，研究喺長洲、坪洲同南丫島上，推行鄉村型救護車計劃；跟住，Suzuki就成為咗呢啲鄉村型救護車同消防車嘅供應商之一。最近佢哋又增購咗新款Every6604WD小型客貨車，充當救護車嘅新成員。
雖然呢部全新鄉村型救護車嘅外觀，同家陣賣緊嘅普通Every差唔多，但經過改裝之後，設於車身兩旁的左右雙趟門已被封掉，並喺車尾加開一對對開式車門，車內亦備有如氧氣調節器，甚至用嚟應付糖尿病、心臟病、氣促等疾病的指定藥物嘅輔助醫療救護服務設施，車廂內可接載嘅傷者數目則為1人。此外，車子配備了四驅系統，用嚟行走崎嶇不平嘅離島路段，確實係適合不過。
記者：車報員
