古巨基曾被指戴上眼鏡時有幾分哈利波特味道，他早前到英國拍新歌《愛回家》MV，就邀得在《哈利波特》中飾演張秋的華裔女星梁佩詩擔任女主角。基仔前晚戴着贊助商的200萬元鑽飾，與三名辣妹於銅鑼灣街頭拍MV，卻回味與張秋拍的拖手戲。
古巨基近日馬不停蹄為籌備新碟與演唱會而忙碌，前晚他於銅鑼灣街頭拍攝新歌《愛回家》MV，今次是基仔繼去年《愛得太遲》一曲後，再執導演筒，自導自演拍MV，更邀得最近熱爆全球的《哈利波特》電影中、飾演張秋的華裔女星梁佩詩（Katie）擔任MV女主角。
專登重溫《哈》片
其實基仔早前已於英國完成MV的大部份拍攝工作，前晚他接受訪問，談到在英國與張秋的合作，基仔說：「我哋為咗新碟出trip拍MV同封套，其中一站係英國，於是就諗起不如搵喺英國、《哈利波特》嘅Katie做女主角，點知佢一口答應，嗰時佢啱啱要為《哈》片宣傳，都肯抽時間幫手，真係好難得，唔該晒佢。」
雖然年僅19歲的Katie與34歲的基仔年齡相差一大截，但基仔卻笑言自己keep得好，外形尚算合襯，基仔謂出發前特地重溫Katie演出的《哈》片，後來見到她時，覺得對方長大了及漂亮了很多，而且她斯文又容易相處，笑容最美麗，基仔說：「佢年紀輕輕但好專業，MV入面冇乜親熱戲，但就有拖手。」
晒200萬鑽飾
前晚基仔一身灰色西裝造型現身，與三位穿着火辣迷你裙的辣妹拍攝。由於今次MV獲得鑽飾店贊助，拍攝前基仔便向大家展示MV中出現的200萬元鑽飾，他更獲贈一個圓形的鑽石吊墜作禮物，基仔表示會將禮物送給媽媽。
採訪、攝影：羅慧敏
