連日來在書展舉行簽名會的作家與藝人絡繹不絕，昨日港台DJ鄧靄霖步陳苑淇後塵，簽名會沒有人排隊。人氣最旺的是商台DJILoveyouBoyz（艾粒）及朱薰，分別派出400及300個籌，艾粒還說風凉話，表示看見別人沒有人排隊感心寒，他們遇到同樣情況會扮中暑缺席。
昨日在會展舉行的書展繼續人山人海，也有不少簽名活動，其中以商台DJ最受歡迎，ILoveyouBoyz派了400個籌，吸引最多fans捧場，其次是DJ朱薰，派了300個籌，排隊人龍也打蛇餅；傅穎的捧場客也不弱，200個籌全部派光。倪匡、陶傑、王菀之、黃婉伶（Race）及蘇民峰也有百多fans來打氣。
傅穎自信爆棚
人氣最旺的艾粒，忍不住大講風凉話，他們談到前日陳苑淇的簽名會無人問津，少爺占說：「我哋今朝拍第二輯《阿笨與阿占》時，睇完報道個心一寒，諗住如果冇人嚟排隊，我就扮拍嘢時中暑唔嚟。」Donald則說：「咁我要同佢做急救，急救時又中暑，都嚟唔到。」二人表示新書推出3,000本，正在加印中。傅穎則說：「我唔擔心冇人排隊，有班忠實fans知我出書嘛，如果冇人排，我會阿Q啲諗，可能fans下次先嚟，不過我知唔會。」
Race或穿比堅尼
Race先巡攤位再簽名，過百人跟着她將攤位附近塞得水洩不通，她說：「冇諗過喺書展會比較人數同銷量，壓力好大呀。」談到傅穎穿着低胸吊帶，比她的樸素背心搶鏡，Race說：「人哋配合本書，唔通我着比堅尼嚟咩？如果我出年出書都係比堅尼封面先着啦。」
記者問蘇民峰為何會有些明星搞簽名會支持者多到打蛇餅，有的卻只得小貓三幾隻？他回答說：「面相有捧場紋，喺笑紋近下巴嘅位，梁朝偉同劉德華都有。」
採訪：李珮洳
攝影：林德雄
