「我決定咗以後都唔化妝，我要以真面目見人。」女網民「cute1314」在香港討論區作出這莊嚴承諾。不少女士習慣天天化妝才出門見人，「cute1314」寧願素顏示人，很多女網民表示十分佩服，更說若素顏成風，大家日後可減少很多麻煩。
為甚麼「cute1314」毅然作此決定？原來是因為近日很多人指她皮膚差而搽厚厚的化妝品遮掩，為顯示自己天生麗質，她一於以真面目示人。不過她承認自己毛孔粗大，現時不化妝，必須快快解決這問題。
唔化妝皮膚靚咗
原來很多女網民也想素顏出街，但奈何樣子差皮膚粗糙，「Buddy717」稱以前戴眼鏡可遮遮醜，現時改戴隱形眼鏡，「個眼袋太大，太嚇人，一定要化妝先出得街，其實我都唔係好想。你可以只搽粉底，既遮到毛孔又改善面色，又唔會有好厚粉嘅感覺，試試啦。」
「Kukule」認為與其日日化妝，不如集中火力改善皮膚質素，「護膚重要過化妝，保養好皮膚，面色自然改善。我覺得化妝都係一種禮貌，唔使完全唔化。」Wendy也說以前皮膚很差，有黑頭及黑眼圈，「面上嘅粉要搽成吋厚，後來我決定唔化妝，過咗一排皮膚反而靚咗，𠵱家只係搽防曬已經ok。」「cute1314」獲眾多網友支持很興奮，「我哋一齊加油，唔再戴面具做人。」不過有網民奉勸醜女不要加入素顏行列，「我驚嚴重影響香港市容喎。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]