懷有五個月身孕的歐陽妙芝前晚現身會展書展，為廸士尼美語世界的美語大比拼擔任評判，對於日前揭發有家長以金錢向教師「購買」名牌小學學位，她表示十分體諒：「我好好彩，我囝囝都要入幼稚園，不過有契家姐林李婉冰幫我，已經考入咗維多利亞幼稚園。我好體諒啲家長搵名牌學校心切，因為父母都好期望搵到間好學校，我都真係會為佢哋犧牲任何嘢。」
問到妙芝有否留意徐子淇開刀生BB，她笑說：「我上次生囝囝都成193磅，𠵱家陀咗五個月都有成150磅，子淇生完之後個樣都好靚，因為好多時生完之後個樣都會好衰，成個肥師奶。」
不需勁進補
問妙芝會否效法子淇一個月花15萬吃冬蟲草花膠進補，她說：「如果負擔得起係冇問題，但我就唔需要，自己都有食冬蟲草、燕窩，不過唔係好受到，有時會嘔，所以唔係每日都食。」
採訪、攝影：RitaLeung