林敏驄一家三口、陳嘉容及葉佩雯等昨日往恒隆山頂廣場出席由保護被遺棄動物協會舉辦的活動，林敏驄現年8歲的兒子林肯謂家中有養魚，並希望養頭溫馴的狗，林敏驄聞言即說：「咁養隻熱狗啦！」其子謂恐家裏不夠地方養狗時，林敏驄又搭嘴：「真係唔多夠呀，屋企得萬零呎之嘛。」林肯說：「都係養魚好，唔使打理。」多嘴爸爸又說：「係呀，啲細魚俾大魚食晒，仲使打理？」
揶揄小儀
林敏驄又不忘揶揄擔任司儀的小儀說：「乜𠵱家做司儀都有fans嘅？係咪要畀200蚊一個呀？」小儀不甘示弱反駁說：「唔係200蚊，係500蚊呀。」其間大會安排眾嘉賓與一隻金毛尋回犬合照，林敏驄又鬼馬遮着牠的眼說：「狗揞眼呀。」
採訪、攝影：RitaLeung