今個暑假啲大製作電影一浪接一浪，啱啱先睇咗熱到爆炸嘅《哈利波特鳳凰會的密令》，呢個星期四另一套猛片《變形金剛》又上演，搞到小妹好唔得閒。呢期好紅嘅MegaBox又湊熱鬧，搞咗個《變形金剛》慈善展銷會，除咗擺《變形金剛》嘅模型，又有限定版嘅《變形金剛》賣。
雖然我係女仔啫，我都好鍾意收集《變形金剛》嘅模型，我有唔少姊妹都好㗎；噚日我同MegaBox嘅公關大姐傾開偈，佢話又有嘢益我啲消費blog粉絲，會送出《變形金剛》海報、《變形金剛》環保袋，同MegaBox限量版《變形金剛》tee，各樣有10套。佢話呢幾樣有錢都買唔到，有興趣可填上姓名、聯絡電話及「蘋果消費blog讀者索取禮物」字樣，email去[email protected]。每人限一份，先到先得。
逢周一至周四刊出