【本報訊】《哈利波特》結局篇《哈利波特與死亡聖徒》前天開售，纏擾哈迷的多個謎團終於解開。然則，哈迷對結局是否滿意？有看畢全書的本地哈迷認為，若減少書中角色死亡人數，結局會更完美。另有書迷指部份情節較混亂，需細心閱讀。但他們異口同聲說，《哈利波特》系列是難得的好書。
「唔需要死咁多人」
現時11歲的陳穎言，3歲開始閱讀《哈利波特》，是忠實哈迷。他前天只花5小時就看畢結局篇，昨天接受訪問說新書寫得不錯，將所有哈利波特謎團解開，令整個系列首尾呼應。
但穎言指新書也有瑕疵：「我覺得唔需要死咁多人，咁會好影響讀者對呢本書嘅睇法，其實作者可以用其他方法，例如將有關主角失蹤，到後來又搵番佢哋，咁結局會更完美。」
穎言又指書中另一瑕疵是有不少粗口：「唔係輕輕帶過，而係直接對話咁寫出嚟，仲係由主角榮恩同佢媽媽講出嚟，始終呢本係童話書，唔應該有粗口。」
同為11歲的哈迷胡天詠昨天已將新書讀了一半，她覺得新書整體寫得不錯，但部份情節較混亂，要細心閱讀才明瞭箇中意思。她坦言，陪伴自己一起成長的《哈利波特》大結局了，心情有些失落，但相信很快可收拾心情。
但兩位哈迷都齊聲表示，《哈利波特》系列情節緊湊，驚險刺激，是一本值得閱讀的好書。穎言說：「每本哈利波特嘅書都會出現謎團，要留待下一本先解開，令你無法唔追落去，呢個或者就係哈利波特令讀者着迷嘅地方。」