【本報訊】全球最先購得《哈利波特》大結局的書迷，極有可能就是穿起斗篷、架着眼鏡，扮晒Harry的本港中學女生Rita和Mona了。因為書店比原定時間早開了八分鐘，小妮子得以先睹為快。這對女孩子跟大部份哈迷一樣，前一晚都單思着「哈仔」而輾轉失眠；如今新書到手，即時狂「煲」，跟Harry一起走到魔幻世界的終結。 記者：倪清江、謝明明、鍾穎兒、佘慧紅、梁德倫
銅鑼灣商務印書館分店店員似乎比書迷更加心急，距離全球同步發售的香港時間早上7時還有八分鐘，就開放書店發售新書了。排得頭位的是將升讀中三的一對女同學Rita和Mona，她們清晨6時就約定在居住的太古出發，帶着魔法掃帚和巫婆帽，還穿着斗篷，招搖過市，來到書店搶購新書。
「HarryPotter故事好吸引，好似係我哋學生嘅日常生活一部份咁。」Rita果然好投入，她說想念Harry想得好苦：「我等咗呢集好耐，噚晚緊張到瞓唔着，輾轉翻側。」相信無眠的晚上將持續至少一兩日，她的死黨Mona就說，要在兩天內煲完這部終極篇。
4歲已看懂英文版
17歲的梁同學比Rita和Mona更加肉緊，家住西貢的她，天未光就起床，司機和女傭專程接送下，晨早5時半已去到又一城PageOne店外排頭位等開門。她說：「我由10年前第一集已經開始追到𠵱家，因為心急想睇故事發展，所以每次推出新一集都會排隊買。我希望作者唔會再寫落去，因為想保存呢一刻完美、真正完結嘅感覺。」
在中環交易廣場的Kelly&Walsh，排第一的李玉鵬心情興奮得像考試拿第一名。14歲在英國讀中學的他說：「我今朝6點半就到書店排隊，想早啲攞到書，所以提早出門口，都諗過可以排頭位。」他已看齊一至六集和所有《哈利波特》電影，說是因為喜歡魔法，而且HarryPotter和他的年紀相近。
新書到手，哈迷即時煲書。11歲的陳穎言昨晨一早到中環Kelly&Walsh書店買新一集《哈利波特》，之後即埋首看書，至昨晚已經看完全書。穎言母親由他只有數個月大時，已給他看《哈》，他說大概到3、4歲時，基本上已看得懂，而且是英文版，不是中文版。
日內可於圖書館借閱
看看穎言珍藏的前六集《哈》，顯得有點舊，明顯是經常拿來看：「最少嗰本睇咗四十幾次，第五集睇得最多，睇咗七十幾次，呢集最精采，因為哈利同壞人搏鬥。」他說第五集已提示哈利和佛地魔其中一人會死：「不過我唔估邊個會死，我最鍾意哈仔，佢好勇敢，敢同壞人鬥。」
看完結局後會否感到失落？穎言說一定不會：「睇完可以再睇過啫。」穎言是個熱情的《哈》迷，父母曾帶他到拍攝《哈》電影的英國牛津大學飯堂和火車站，親身感受一下哈仔的魔法學校。昨日他獲書店抽中送贈英國特別出版的《哈》郵票，簡直是錦上添花。
康文署今次反應快速，向出版社訂購了300本新一集《哈利波特》，首批200本在昨日收到，預計市民最快在一兩日內可於公共圖書館借閱。據悉，新書一般由中央圖書館運到其他公共圖書館，所以理應最快可在中圖館借到。
哈迷狂熱
梁之灝 慢慢煲結局
「今日着咗哈利嘅校服，一陣會參加巫師扮演比賽。一、兩年前見菲傭姐姐睇得開心，我又跟住睇，覺得好好睇。我??家睇到第四本，差不多睇完，我唔心急要知道結局，會先睇完第五、六集先開始第七本。我唔覺得書入面嘅英文字好深，讀完英文都進步咗。
John 閃電額支持
「上一集出嗰時我都有排隊去買，今日就特登喺額頭畫上紅色閃電，表示希望結局中冇任何人會死，期望有happyending。我最鐘意嘅角色係榮恩。」
Anna 憂哈仔下場
「我未到6點就嚟到，因為好心急想快啲攞到新書，所以預訂咗都早啲嚟排隊。如果哈仔死我會好傷心。我唔擔心朋友講出結局，因為我會比佢哋更快睇到結尾。」
James 拒上網看電視
「比起頭幾集，我覺得最後幾集開始深奧，滲入人生道理。希望今晚（指昨晚）可以睇完，我知啲網站好快會有人寫結局出嚟，所以睇完本書前唔會上網、唔睇電視。」
胡先生 買書學責任
「雖然個女天詠（圖右）之前預訂咗本書，但係今日都特登帶佢嚟親身排隊等開售，畀佢知道到凡事都要負責任。天詠最鍾意嘅角色係哈利波特，希望佢今次唔使死。」
《哈利波特與死亡聖徒》
售價大比拼
書店名稱：Dymocks
售價：$199
書店名稱：Bookazine
售價：$195
書店名稱：PageOne
售價：全線分店$182.8，書展$159.9
書店名稱：商務印書館
售價：$168
書店名稱：三聯書店
售價：$168
書店名稱：榆林書店
售價：全線分店$168，書展$158
書店名稱：大眾書店
售價：$195
書店名稱：天地圖書
售價：$165
書店名稱：百佳超市、TASTE、GREAT
售價：$189
書店名稱：7-11便利店
售價：$195
書店名稱：北角森記書店
售價：$180
書店名稱：田園書屋
售價：$168
資料來源：上述書店
