無綫第一次主辦《最受歡迎廣告頒獎禮》，為此不停宣傳，以幸運抽獎作招徠，吸引觀眾投票。昨日袁彌明、鄧上文、孫慧雪和彭冠期到九龍灣展貿的EMax宣傳，邀台下觀眾玩遊戲，自創有趣廣告。
想拍跑車廣告
袁彌明身穿露肩短裙，展示青春活力，她說：「最近識到個形象顧問，佢話我個膊頭靚，要露多啲膊頭，所以我會成日着露膊衫，冬天時連頸巾同絲巾都唔會戴，同埋會keep住短頭髮，突出我個膊頭。」講到拍廣告，她說：「我由97年開始拍廣告，拍到𠵱家，好多廣告都拍過，護膚品、婚紗，每年最少keep住拍一個，𠵱家最想拍跑車廣告，因為覺得好型。」至於鄧上文，最喜歡就是嬰兒和動物廣告，她說：「我知道呢類廣告最難拍，如果我可以拍廣告，最想就係同畢彼特（BradPitt）拍，真係拍乜我都肯。」
採訪、攝影：楊潔雯