樂基兒昨日在澳門出席瑪莎拉蒂新車活動，問到其男友黎明在北京拍攝新片《梅蘭芳》，兩人要短暫相思，她指黎明工作時會很投入，故不會上京打擾他，免被人指他只顧見女友，現時兩人以SMS傳情。下月樂基兒生日，黎明也未必能相伴，難得她毫不介意，認真體貼男友。 澳門直擊
樂基兒昨日在澳門旅遊塔出席瑪莎拉蒂新車Granturismo活動，她坐在價值150萬的新車內，然後步出擺靚甫士。有報道指她出席公開場合的服裝事前都經黎明審閱過，昨日身穿一條黑色露背裙的她否認說：「唔係，呢條裙嘅牌子係Sass&Bide，係我喺澳洲時買嘅，我好鍾意佢背後有個大蝴蝶結，好似份禮物咁。」
「唔會煩住佢」
談到黎明現於北京拍攝新片《梅蘭芳》，兩地相思會否感寂寞？樂基兒說：「唔會。」會否做跟得女友探班？她說：「佢（指黎明）好專業嘅，一旦工作會好投入，我唔會煩住佢，同埋唔想俾人話佢顧住見女友影響拍攝工作，我知呢部戲對佢好重要。」
那樂基兒如何解相思？黎明有可能連她下月生日也未必能相伴，樂基兒說：「咁咪用SMS溝通囉，我根本未同佢一齊慶祝過生日，可能等出年啦，我哋由第一日開始拍拖，都好明白大家都會為工作忙。」
楊崢辭任評判
記者大讚樂基兒善解人意，她笑說：「我唔知乜嘢叫完美，拍拖唔係話每秒都要見嘅。」至於昨日擔任司儀的楊崢表示，原本無綫邀請她擔任港姐選舉一環節的評判，可惜她接瑪莎拉蒂工作在先，惟有忍痛婉拒無綫。
採訪：GeneNg
攝影：ChenWaiOn
