關仁隱事:插蘇鼻大乞人憎 - 關仁

關仁隱事:插蘇鼻大乞人憎 - 關仁

女歌手「插蘇」雖然整容後個鼻冇咁插蘇,但自從佢識咗對面大海嘅金融界男友後,鼻哥窿依然向天咁高,兼越來越大鼻。因為佢男友教佢投資賺唔少,佢已經唔使再靠出唱片賣藝維生,所以佢雖然近日出新碟,但對住公司嘅人都冇句好聲氣,兼且聲大大,要求多多,難服侍又難頂,一反以前事事配合嘅態度,咁啱佢唱片公司𠵱家又大地震,佢因為已經唔志在呢份工,所以冇乜影響,只係佢班同事就慘嘞,要受公司地震嘅心理困擾,仲要受插蘇嘅小姐脾氣,真係世界艱難咯!
Textby關仁