張宇人今日出發去日本，公民黨湯家驊早就起程，目前身在羅馬享受歐洲之旅。喺羅馬嘆緊世界嘅湯家驊顯然心情極靚，旅遊期間不忘blog一blog，未返香港已經將喺羅馬影嘅相放上網，仲形容身處一串串好似棉花糖咁樣嘅白雲之下，香港再多嘅煩惱都會被吹得煙消雲散。
湯家驊係性情中人，一到羅馬就去到著名嘅GalleriaDoriaPamphili打個圈，睇睇佢口中嘅「老朋友」，即係名畫家卡拉瓦喬（Caravaggio）嘅大作《RestontheFlightintoEgypt》，仲引嚟佢一番思潮起伏，感嘆今時今日嘅藝術被商業騎劫咗，唔知佢喺彼邦有冇睇到影視處嘅無稽判斷？