陳美齡一家五口是次專程從日本來港賀姨甥天承娶老婆，去年尾陳美齡曾返港往養和醫院切除唾液腺腫瘤，手術十分順利。前晚她更在婚宴上高歌一曲《Timeless》送給一對新人。
將赴京演唱
陳美齡說：「寓意佢哋要一世相親相愛嘛。」她又笑言見到姨甥娶老婆，自己也恨飲新抱茶。
陳美齡透露9月25日會以日中友好協會大使身份，到北京人民大會堂舉行演唱會，她說：「呢個活動係慶祝中日友好35周年紀念，我上次返內地已經係85年，咁耐冇返去，內地變化又咁大，我都充滿期待。今日返日本就會開始動手將啲歌詞繙譯成中文，到時除咗二仔要返高中行唔開外，其他個個家庭成員都會同我一齊去。」