粵語流行曲興起後，每個年代都有首主題曲，最新一首我們的主題曲相信係《福佳始終有你》，香港公民教育基金今個月28號喺伊利沙伯體育館舉行一場「我的香港夢音樂會」，畀唔同年代長大嘅市民憑歌寄意，講講佢哋嘅香港夢，有20間學校同六個社福機構參與表演，八方聽聞有個重量級嘉賓會登台。
呢位嘉賓唔係細契菊姐，而係音樂會贊助人陳日君樞機，平日佢都有喺聖堂唱歌，喺伊館登台就罕見啲，不過佢應該唔會唱歌，而係講吓佢嘅香港夢係乜。呢個音樂會目的係鼓勵香港人繼續追尋自由，共建民主理想家園，由於有香港民主發展網絡贊助，所以免費入場，有興趣聽音樂會可聯絡主辦單位，電話：21454405。