馬德鐘及太太張筱蘭昨日出席謝天承與金承美的婚禮，馬德鐘說：「係謝醫生請我嚟嘅。」他透露剛從法國、英國及意大利度假返港，大讚當地天氣好，他也曬黑不少，記者指他偕太太露面擺明想洗底晒恩愛，問到兩人感情是否雨過天晴？馬德鐘說：「不嬲都冇事，係你哋寫嘅啫。」
問馬德鐘是否出埠避郭羨妮？他說：「唔好咁講，大家係同事，唔好話避。」對於早前被拍到與一女子遊泰國，他如何解釋？他說：「唔使再解釋，已經同太太解釋過。」記者指他太太EQ真高，他笑說：「係呀，佢好犀利。」
懶理大宇羨妮
記者指馬德鐘與陶大宇均曾與郭羨妮傳緋聞，他好彩太太仍在身邊，大宇則沒了老婆，他聽後說：「人哋嘅事我唔知，我就不嬲冇事，講咗成年你哋唔悶咩？」他表示稍後會返內地參加「舞動奇蹟」比賽，屆時會與一專業舞蹈老師拍檔，記者指二人共舞難免有親熱動作，怕不怕又惹太太誤會？他說：「咁希望你哋手下留情啦，我𠵱家好乖㗎嘞。」