天下果真無不是之父母？為解決子女「自動自覺」完成暑期作業，父母費煞思量，網民「YAN711」有好辦法，並在迷你論壇中貼圖講心得，只要兒子三個星期內完成一本作業，便可獲$540，而好戲還在後頭，全部完成額外多$500。
網友：此風不可長
網友「KOCHOCOBO」建議「由後面開始做起」，「FAMAS」認為應該「用咗先做」；不過，「曼聯既碧咸」認為此風不可長：「做功課係應份，都唔知做乜同個仔講條件！」「KOCHOCOBO」卻見怪不怪：「大把呢啲父母-.-"，我同學個老竇由細到大都係咁對佢。」「無期徒刑」則感覺無奈：「咁個仔唔做都吹佢唔脹！」
「毘沙門天」實在看不過眼：「應份？以前成個社會講到明，唔讀書將來一定冇出息，識諗啲都會知點做，至於唔識諗嗰啲，以前用藤條，𠵱家用銀彈，只係反映經濟水平提升！」「EZ」也大嘆世風日下：「求學階段作為一個學生，讀書就係你嘅工作，做功課或考好成績就係你嘅責任，唔應該將你作為學生嘅工作當作係一種交易，𠵱家好多父母正正就係犯咗呢啲錯誤。」