Yeah！萬四！！
道指周四收報14000.41點，再創歷史新高紀錄，帶動埋標普500指數收市亦創新高，報1553.08點，納指也改寫6年半高位，收2720.04點。
美股近期屢闖高峯，乃拜企業盈利所賜。道指成份股中的超級大笨象IBM，業績比預期理想，有心人又怎能不借機大踢一腳？話明係超級，其股價在道指中當然係最高，收市報115.86美元，升4.78美元或4.3%，創5年來新高。單係一隻已夠殺啦，何況還有兩隻高價股──波音和埃克森美孚（分別升0.65%和1.25%）「傍住」乎？
同一伎倆，數據選好的，業績亦揀理想的。未派成績表之前，有消息放出憂慮佔標普500超過三分一的金融及科技類之企業業績或受樓市及經濟放緩拖累，令致整體盈利下降，原來又是吹水！
瞧瞧摩通及「土霸」美銀！再看看IBM！
前晚收市後，兩科網大隻佬發表業績，Google銷售上升但淨利潤卻下降，微軟（Microsoft）則符合市場預期，當然拿後者去炒作啦！
昨日執筆時未知花旗集團業績如何，不過可以肯定的是，有兩位猛人──MichaelKlein和TomMaheras分別坐鎮資本市場及銀行業務兩大環節，應該不會令人失望吧！
此外，還有一隻犀利非常的「推土機」Caterpillar也公佈業績，若筆者無記錯，呢隻是年來道指成份股中升幅之冠，又那會不為美股帶來動力？如果兩隻都掂，更加可以燒炮仗矣！
第2季企業平均盈利如果如「跣料」者所說得4.1%，閣下信唔信？假若是1倍，又可大鑼大鼓了！跟住便炒第2季GDP，美股要升，不愁無藉口。