洪天明昨日在中山出席新劇《建築有情天》開鏡拜神，談到前女友徐子淇產女，天明說：「我唔打畀佢喇，大家都係朋友，都希望佢母女身體平安。送禮都唔使啦，佢已經要乜有乜，使乜送。」
「約食飯都費事」
問天明是否不方便與子淇聯絡？他說：「費事啦，唔知對方鍾唔鍾意，費事俾人講。佢未結婚前已經好少聯絡，我都有諗過約佢食飯，之後都係費事，有啲尷尬位嘛，怕俾人影到，影響佢哋感情。」
天明謂自己以事業為重，稍後才想結婚，但他也很想生兒育女。同場的方中信故意大聲開玩笑揶揄天明說：「洪天明，你開心啲啦，今日大喜日子呀。」天明即尷尬說：「我冇唔開心呀。」
採訪、攝影：曾小嘉