何韻詩食過翻尋味，特地找來曾為她擔任MV男主角的日籍靚仔男模藤岡龍雄，再為她拍攝新歌《睡王子》MV，二人在街頭不停相擁而眠，親密貼身，對於被指胸部可能拮到對方，阿詩稱自己是專業演員，故蝕底也會做。
何韻詩前晚在銅鑼灣街頭拍攝新歌《睡王子》MV，她找來之前為其拍過《勞斯萊斯》的日籍男模藤岡龍雄（Dean）再合作，演出沒有床的床戲，阿詩又笑言唱片公司大灑金錢，投資過千萬日圓給她拍MV，今次她會將MV拍成故事短片，稍後推出新碟時，連帶出一張MV影碟。
拍床戲冇床
談到與男主角的「床戲」，阿詩笑言：「我哋好似睡王子同睡公主咁，去到邊都周圍瞓，我哋拍床上戲走床，齋瞓呀！」阿詩謂現實生活中的她不易入睡，故她很想投入角色，前晚二人就在一條斑馬線旁的燈柱站着睡覺，還來一個親熱擁抱，問阿詩是否故意找一位靚仔和她睡，她說：「我係恨有個人𠱁我瞓，又好似攬枕咁俾我攬。」
「佢咀我個嘴」
問到阿詩會否與阿Dean有親熱咀戲？阿詩笑謂：「喺街想點親熱呀？都係攬吓啫，佢咀我個嘴囉。」有指二人擁抱時，阿詩不停派波餅，她謂：「專業演員，蝕底嘢都會做。」被指可能拮到對方，阿詩說：「OK啦，感覺到先算，如果要佢硬食咗，咁唔好意思囉。」
阿詩表示自從拍攝《勞斯萊斯》MV後，她很多fans都喜歡上Dean，今次特地找他再合作，是想挽回fans的心。
採訪：王連連
攝影：林德雄
