徐子淇終於本月17日誕下一名女嬰，作為爺爺的李兆基固然高興，但據悉他私底下恨抱男孫。記者就找來三位堪輿學家，根據徐子淇命格推算她何時最有機會懷男嬰。
蘇民峰（圖）：佢條命屬火，生於冬天，需要火嚟照暖，木就生火，咁佢喺火嘅年會較易生仔，2010至2015連續6年都係屬木同火，會易啲生仔。如果嫌耐，08年單獨一年都會較易生仔，但就唔夠2010年後嘅機會大。
鄭智恆：如果佢09年有，09或者10年生都好大機會係仔，因為徐子淇係壬戌年申亥月丙辰日出生，09年係流年傷官，女命流年傷官嘅話就大多生仔。
區仲德：佢會到2010年先會遇到子星，子星先至旺。佢今年虛齡26歲，要到虛齡28歲，子星先會顯現先會旺。2010年子星呈現，佢生仔嘅機會好大，但如果係呢幾年再生就都會係女。
娛樂資料庫：性別冇得揀惟有繼續生
為人父母的通常都口說不介意孩子性別，但其實非常着緊，最理想就是仔女兼得。
趙汝琪、Audrey
趙曾學韞新抱Audrey連生五名兒子，她日前公開表示：「想追個女嘛。」
王敏德、馬詩慧
一直恨仔的王敏德與馬詩慧已有兩名女兒，99年尾二人終成功得子。
沈嘉偉、邱淑貞
結婚7年、育有兩名女兒，去年被指曾遠赴尼泊爾，找當地的師傅祈福，求早生貴子。
李澤鉅、王富信
已是三女之母的王富信，05年再度懷孕，並於去年中產下一子，償追仔心願。
碧咸、Victoria
兩人已育有三子，Victoria近期受訪問也坦言希望多添名女兒。
資料來源：《蘋果》資料室