新上任的商務及經濟發展局局長馬時亨前日講，個局冇「科技」兩個字，唔等如政府唔重視IT，噚日身體力行，本來冇佢份都特登走去立法會資訊科技及廣播事務委員會撐場，誠意真係無話可說。之不過，美中不足係體力唔夠──下晝2:30會議開始，局長精神奕奕四萬咁口，開始講咩BWA同2.3吉赫，局長開始放蚊，過多幾分鐘，瞌着，但好快扎醒；踏正3點，鬆人！局長咁眼瞓，可能係Lunch食得飽得滯，又或者議題悶親佢，又唔通係佢患咗好多肥人都有嘅渴睡症？
