上市公司如果犯錯但又唔係好嚴重，證監就會發警告函（WarningLetter）畀間公司，家吓證監會諗住呢封信函嘅名稱改為合規意見函（Complianceadviceletter），等接信嘅上市公司冇咁hurt。
喺上個財政年度，證監就上市公司出現嘅「輕微犯規」，發出咗約200封警告函。咁話明係信函，即係白紙黑字有記錄啦，上市公司當然唔想收到，就算證監澄清話，唔會將警告函視作正式制裁，但仍然有好多「公眾」回應話發呢啲信函唔公平。
既然講極都反對，所以證監改咗呢種信函做合規意見函，仲話內容唔會寫有「不利的結果」，更唔會針對人等，對呢個安排有意見嘅可以上證監網站畀回應。